Mega “Vijay Sankalp Bike Rally” takok ngua agiogo

Dimapur, Metsüremi/March 04 (TYO): BJYM (Bharatiya Janata Yuva Morcha) Nagaland-i March 02, 2019 Honibarnü Dimapur nung Mega “Vijay Sankalp Bike Rally” sentong ka ayongzüka liasü, koba India ajunga nung iba sentong takok ngua agiogo.
Dimapur kübok iba Bike Rally sentong nung Hon’ble Advisor, Tovihoto Ayemi & Minister, Jacob Zhimomi nati anir Thahekhu village nungi tenzüka Dhobinalla-DC Court junction-Duncan Bosti-Clock Tower junction-Khermahal -Burma Camp ajanga Super Market-Marwari Patti sema senzür külen Thahekhu Tower Point nung tembanga liasü. .
Iba Rally Sentong nungsa BJP Dimapur District, Minority Morcha aser Kissan Morcha telok nungi biker 200 dak tema agi shilem agiogo.
Mega “Vijay Sankalp Bike Rally” sentong nung karyakarta aser temulungertem aruagi shilem agia sentong takok ngudaktsüba atema BJYM State President, Benjamin Yepthomi-i parnok ajak dang pelaba lemsatepa liasü.