Meghalaya aser Arunachal Angh atema tenangzükba agi

Shillong, January 28 (Agencies): Meghalaya Angh, V Shanmuganathan-i pa menden nungi anenba sülen Honibarnü Arunachal Pradesh aser Meghalaya Angh atema tenangzükba agiogo.
Meghalaya Angh mapa repsema inyaktsü atema Honibar nikongdang Assam Angh, Banwarilal Purohit Shillong nung tenangzükba agiogo.
Ano Arunachal Pradesh Angh repsema inyaktsü atema tanü Raj Bhawan, Itanagar nung Gauhati High Court Chief Justice, Ajit Singh-i ketdangsüa Nagaland Angh, PB Acharya nem tenangzükba agidaktsü.
Iba sentong nung Chief Minister Pema Khandu, Cabinet Minister tem, MLA tem, Chief Secretary in-charge Satya Gopal, Principal Secretary Home aser tongti ketdangser aika dena liasü.
“Tsüngremi asenok dang aochia tatok agütsütsü atema asenoki Pa dang tatok meshia sarasademdi aser asenok putepshir tensa tajungba küma asenok liyonga aotsü atema tangatetba meshidi. Asenoki dang nendaka Tsüngrem dang meshira, Pai asenok senzüka meyutsütsü. Pai asenoki ashiba angatsü kechiyong asenok teimla Pa dang ta Pai meteta lir,” ta NBCC-isa ayongzük.