Meghalaya Assembly nung GST Bill agizük

Shillong, September 09 (Agencies): Hokolbarnü Meghalaya Assembly nung Goods & Services Constitution Amendment Bill agizükogo.
State Law minister, Roshan Warjri-i iba bill benokba sülen züngsem shingia mashishii Assembly Speaker, AT Mondal-i House-i iba bill agizükba sangdonga liasü.
Tanep Cabinet senden ka amenba sülen osangbenertem den jembidang Chief Minister, Mukul Sangma-i, “Linük tesem ajaklen GST mapa küma benokba sülen state-i saru nung takoksa mangutsü temaitsütem lir,” ta metetdakja liasü.
Congress-i yimsüsüba state tem rongnung Himachal Pradesh-i mezüng iba bill agizük, iba sülen tanabuba state ji Meghalaya kümogo.
Yashi Tir, Pranab Mukherjee-i GST Bill agizükogo. GST ozüngtem ya sangküm April mezüngnü nung tenzüka benoktsü sorkar sentong lir.