Meghalaya Assembly Session atema Section 144 ozüng agütsü

Shillong, December 8 (Agencies): December 8 nungi 14, 2017 tashi Meghalaya Legislative Assembly session amentsü lir aser iba atema East Khasi Hills nung District Magistrate, PS Dkhar-i section 144 CrPC ozüng agütsüogo.
Assembly session mapang Rilbong nung aliba Assembly chamber aser State Secretariat building nung nisungtemi lungkak aittsü akok ta arentaka bilemba agi curfew alitsü ozüng agütsü.
Assembly session ji anogo asemnü- December 8, 13 aser 14 alitsü aser curfew ozüngji December 6 anepdang 8:00 ako nungi Assembly session metembang tashi alitsü.
Meghalaya nung temporary assembly chamber aser Meghalaya Secretariat (Main & Additional Building) anasa metre 500 aser 1000 telongzük nung nisung pungu dak tema mesenteptsü atema District Magistrate-i tenokdangba agütsü.
PS Dkhar-isa Meghalaya Legislative Assembly temeket nung nisungtemi gari senzüba menokdangtsü atema tetuyuba agütsü.