Meghalaya CM aser Edu Minister dang school yanglushitsü akhanger

Tura, August 18 (Agencies): East Garo Hills nung Dobu Unit FKJGP-i shidi ajanga Chief Minister, Dr Mukul Sangma aser education minister, Deborah C Marak na dang Garo Hills region nung aliba school tem nung infrastructure majungba indakang metetdaktsüba den külemi item school tangsa yanglutsütsüla, ta takhangba agütsü.
Iba shidiji tanü EGH nung DC ajanga agütsü.
Iba unit nung Tir, Premier Sangma-i, “Onoki ashiba sorkar Lower Primary school ji Dobu Rimding kübok Dobu nung tesem tezülen lir. Iba school jenjangji taaktsüka lir aser onoki education dak sendakba ketdangsertem dang iba school tangsa yanglutsütsü akhanger,” ta metetdaktsü.
“Iba school dang nungjagibo nashi ki tajungba, kechiyong nashi kidangbo jara pezü lir. Tanurtem nem shisaliok agütsüba nung nenoki iba tashi ya inyakra shisaliokji nüngdak madoker. Iba onük atema tekaraba nung inyaktsüla, kechiyong tanurtem kanga timtema aruogo,” ta tongti tezülur, Najib Marak-i ashi.
Iba school nung jara ana dang lir aser iba atema yimdaklirtemi taoba Deputy Commissioner, Vijay Mantri aser EGH education office dang metetdakja liasü, saka parnoki kecha meinyaktsü.