Meghalaya CM Mukul Sangma constituency ana nungi tokteptsü

Shillong, Tsüklai 09 (Agencies): Meghalaya Chief Minister Mukul Sangma, shiba assembly nung ponguben buba amentsü meranger, pai teti toktepba Ampati constituency kisüng masü anu tanabuba constituency nungi nomination agütsüogo.
Tsüklai 27 state election nung Congress telok nungi Sangma ya South West Garo Hills district kübok Ampati aser East Garo Hills district kübok Songsak nungi tokteptsü.
Taoba küm ter tashi Meghalaya nung Chief Minister inyaksang, Sangma ya tang mezüngbuba constituency ana nungi tokteptsü.
Nomination paper indang scrutiny tembangba sülen Ampati constituency nung Sangma densema nisung asem tokteptsü.
Pa densema Songsak nung candidate tenet lir.
Ampati nung Sangma ya nisung ana den tokteptsü. Iba constituency nung BJP nungi Bakul Hajong aser Independent nungi Joyanto Marak na lir.
Nomination tem scrutiny agiba sülen Meghalaya nung candidate 374 tokteptsü.
Item rongnungi tetsür 33 aser Independent candidate 85 lir, ta chief electoral officer, F R Kharkongor-i osangbener dang ashi.
Meghalaya nung constituency 60 rongnung East Garo Hills district kübok Rongjeng constituency nungi tokteptsüpur timba lir. Iba constituency nungi candidate 11 lir.
Nomination withdraw asütsü atema Tsüklai 12 ya tatem asütsü. Vote ya Metsüremi 3 nung azüngtsü aser iba ya tang aliba assembly tenure tembangtsü anogo asem lia azüngtsü lir, ta CEO-i ashi.
Ampati constituency ama Sohiong aser Bajengdoba constituency nungi tokteper candidate asem-sem dang lir.
Chief Minister indang tembar tajung, H Donkupar Roy Lyngdoh, shiba nem tesüsa menden lemshiba mapang Home aser Transport lemzüktsü, pa East Khasi Hills district kübok Sohiong constituency nungi candidate ana den tokteptsü lir.
Donkupar den tokteptsüpur rongnung Hills State Peoples Democratic Party (HSPDP) nungi Samling Malngiang aser taoba küm tentetba party, Peoples Democratic Front nungi Judah J M Wahlang lir.
Maneni Meghalaya nung constituency ka nungi candidate asem tokteptsü aliba nung Bajengdoba constituency ya lir. Iba constituency nung Congress nungi Brigaddy Marak ya taoba mapang MLA inyaksang aser BJP nungi John Manner Marak aser NPP nungi Pongseng Marak den tokteptsü.