Meghalaya Governor tasenba-i October 5 nü mapa agizüktsü

Shillong, October 4 (Agencies): Meghalaya Governor tasenba Ganga Prasad mapa agizükba sentong Brehostibarnü Raj Bhavan nung 4:00 ako nungi tenzüka agitsü.
Ketdangser osang ka ajanga ashiba agi, mapa benloktsüba sentong ya, Chief Minister, Dr Mukul Sangma, Cabinet Ministers aser tanga sorkar ketdangsertem matsüngdang Meghalaya High Court, Chief Justice, Justice Dinesh Maheshari-i achaayanga agitsü.
Temetettsü kaji Prasad ya tir Ram Nath Kovind-i September 30 nü Meghalaya indang Governor asütsüba atema shimteta liasü. Prasad ya Bihar legislative council nung küm 18 tashi züngsem ka liasü.
Pa shishilembar ka liasü aser Jan Sangh züngsem ka ama 1967 küm yimden yimsüsüba maparen nung aden. Pai maneni BJP densema lokti balala nung jenjang balala nung tenzüka aruogo.