Meghalaya-i mezüngbuba International Human Rights Day amung

Shillong, Luchii (December)11 (Agencies): Meghalaya nung taküm mezüng atema International Human Rights Day ayongzüka amung.
Hombarnü Yojana Bhawan, Shillong nung ayonga amungba sentong nung Governor Tathagatha Roy-i tongti tesemdanger ka ama aden.
“Meimchir temeten dak sendakba nung enforcement agency aser sorkar ketdangsertemi kanga dang kümdanga aser tebilemtsü bena mapa inyaktsüla. Tashi amertemi mapa shitak meinyakra, ibaji meimchir temeten anema inyakba ama züngshitsü” ta Governor-i ashi.
North east nung meimchir temeten anema inyaksangshiba indang olen ka jembidang “NE nung international boundary talang ka aliba ya tashi amertem atema tayongzükba tulu ka lir. Parnoki meimchir temeten bilema, telongjem aser linük indang security atema inyaktsüsa akümer” ta Tathagatha Roy-isa metetdaktsü.
Asen kidanger linüktem nung human rights alema inyakba ajanga asen linük nunga kongshir, ta paisa ashi.
Meghalaya Human Rights Commission (MHRC)-i mapa tuluba inyaktsü ayongzüker, ta Governor-isa shisem.