Meghalaya-i military & paramilitary forces dang fee meshitsü

Shillong, November 15 (Agencies): Meghalaya nung military aser paramilitary forces-i tangalen nungi yi bener aruba atema sorkar nem fee agütsütsü.
Cabinet-i Meghalaya Excise Amendment Rules 2019 mulunga agizükba sülen iba ozüng ya agütsüogo.
Taoba mapang sepaitemi Assam kübok Narengi nungi yi aben saka excise department-i iba atema fee kecha magii aru.
“Meghalaya nung military aser paramilitary unit temi yi bener aruba atema fee agitsü telemtetba agiogo” ta Meghalaya chief minister Conrad K Sangma-i ashi.
“Iba nung 40% ad valorem den parnoki tangar nem agütsüba nungi import fees 40% agitsü” ta Conrad-isa ashi.
“Iba ya kanga ajema agir saka taa agiba ajanga state senpongi sen crore 1 ser tesadang shi ka aittsü” ta paisa shisem.
Meghalaya nung excise department-i küm ka nung Rs 227 crore shi sorkar senpongi aitdaktsür saka ibaji taküm atema Rs 250 crore ta enoka lir.
“Maparen ajunga tip atemba sülen sangküm financial year nungibo, asenoki sen talila angutsü imlar. Asenoki Rs 40-50 crore talila bendentsü” ta CM Conrad-isa metetdaktsü.
Cabinet-isa Meghalaya Excise Amendment Rules 2019 nung ‘retail lifting fee’ ta ser enoksema lir aser iba nung case ka nung Rs 2 fee agitsü.
“Case fee sen 2 agiba ajanga asenoki sen lakh 60-70 shi talila angutsü” ta Conrad-isa shisem.