Meghalaya MLA temi taoba Tir Abdul Kalam nem akhüm agütsü

Shillong, September 16 (Agencies): Bodhbar nü Meghalaya Assembly tan mongpu mezüng anogo nung state MLA temi taoba Tir APJ Abdul Kalam nem akhüm agütsüogo.
Asür Kalam ya taküm July 27 nü Shillong nung ajungbena asü.
Kalam asüba mapang nung Chief Minister Mukul Sangma bo yimti nung maliasü, aser tanü asür nem akhüm agütsüba mapang pa kanga temelung raksa.
Sangma-i, “Tesayur ka ama, scientist ka, ajungmesor ka, counselor ka aser TsÜüngrem meteter ka- APJ Kalam rasa-a jembitsüji kanga tasak. Pai kanga meimba -lanurtem den sentaktepba aser ajungmesoba mapa inyakdang pa asübaji tia ajanga,” ta ashi.
State nung opposition party, United Democratic Party MLA Paul Lyngdoh-ia, state nung Kalam nüngtem nung nüngja ka agütsütsüla aser pa asüba anogoji mapa inyakba ango ka asütsü sangdongtsüla, ta ashi.
Ano UDP MLA, Jemino Mawthoh-ia, “Asenoki state ka ama lenir tetemjen aser tongtibang lenir (Kalam) nüngtem nung lenmang ka, institute ka pa nüngja agütsütsüla mesüra pa nüngtem nung sentong ka akatsüla,” ta ashi.
Maneni Congress lenir Salseng C Marak-ia, “State sorkari Dr Kalam asüba anogomung küm shia amongtsü tetemsü,” ta ashi.
Taoba Tir Kalam IIM-Shillong nung kaketshirtem den tejembitak nung suchia aoba süslen nija hospital ka nung asü.
Assembly nung minute ana ola madoki mokrema tawa asür lenirtem bilemteta akhüm agüja liasü.