Meghalaya nakmati atudak nungi tzü litre 9,00,000 atsüdokogo

Guwahati, January 4 (Agencies): Meghalaya kübok East Jaintia Hills nung nakmati atudak nungi tanü tzü feet 3.5 shi atsüdoka endokogo saka nakmati arurtem mengutet.
Coal India Limited-i asüng nungi high powered submersible pumps amshia tzü atsüdoktsü renemogo.
Hokolbarnü Fire Service Odisha nungi nisungtemi nakmati atudak tejen nungi pump ana amshia tzü litre 9,00,000 shi atsüdok.
Coal India Limited (CIL)-i nakmati atudak tejenba nung submersible pump enoktetogo aser Honibar anepdang nungi tzü atsüdoktsü akok, ta tanü nikongtsütsü district administration-i metetdaktsü.
Kirloskar Brothers’ Limited (KBL) nungi arurtemi high powered pumps ana tashi enoktetogo aser asüng nungi tzü atsüdoktettsü, ta sangdong ka nung ashi.
December 13, 2018 nü iba tesem nung nakmati atur nisung 15 tashi mapa inyaka lia tzü agi metsüngbang. Iba lendong nungi nisung pungubo jenbu saka par 15 nakmati atudak nungi temai madoktet.