Meghalaya nung Arogo lenir ka sen lakh 24.8 sama

New Delhi, October 24 (Agencies): Megalaya, West Khasi Hills nung Nongstoin Service Society nungi Fr Richard Iawphniaw-i nisung kari internet ajanga pa ashiokja sen lakh 24.81 takoksa anguba ken o ka benokogo.
Pai ashiba agi, May 16 nü Scottish Catholic International Aid Fund (SCIAF) Executive Director, Fr John Yatam nungi pa dangi email ka aru, aser iba mail nungji lokti nung sensakertem aser maongka mangurtem atema tenla pound sen 950,000 agütsütsü ta nisungba jagi nangzüka liasü.
Kasa mail ajanga pa dang iba tenla agizüktsü asoshi registration fee atema sen 24,81,140 deposit süjang ta tuyua liasü.
Police-i ashiba agi, Fr Iawphniaw-i registration atema shia aliba senji agütsü saka tanü tashi nung tenlaji mangu.