Shillong, January 16 (Agencies) : Meghalaya police-i anogo ananü mita aodang Garo Hills nung gari auyar telok ka nungi züngsem 4 apu. Iba telok yagi Bolero ter tema auyaba puteta lir.
Assam-Garo Hills arrtsü anasa West Garo Hills police-i auer telok nungi züngsem ana apu. Tenaji Garnet A. Sangma (Dimrim) aser Mehdi Hussain Mondol ta jangjaogo.
Tena dang asüngdangya asüdang parnok telok nung züngsem ana Tura kübok Matchakolgre kiyong nung jenoka lir ta angazük.
Police-i auertem jenoka aliba mita aodang Kebi A Sangma aser Mitdu R Marak na apu.
Parnoki Garo Hills district tem nungi Bolero 12-15 shi ka auyaogo aser gari timbaka Tura jila nungi auya ta police-i asüngdangya asüdang auertemi ashi.
Parnoki auyaba garitemji Nagaland kübok Dimapur-i belen aser idakji engine o chassis numbers melenshiba aser taila registration document yangluba sülen garitemji yokdok, ta auertemisa police dang ashi.
You must be logged in to post a comment Login