Meghalaya nung BJP candidate 45 tenüng sangdong; nisung 16 nomination agütsüogo

Shillong, Tsüklai 02 (Agencies): Mapang talangka atar Meghalaya nung Assembly election nung Bharatiya Janata Party (BJP) nungi tokteptsü candidate mezüng tenüngtem sayaogo.
Mezüngbuba list nung candidate 45 tenüng lir aser item rongnung taoba congress legislator AL Hek densema lir, shiba Pynthorumkhrah constituency nungi tokteptsü aser taoba NCP state party chief Sanbor Shullai, shiba South Shillong nungi tokteptsü.
Maneni tejangja candidate rongnung taoba Power Minister Riang Lenon Tariang, taoba Sports & Youth Affairs Minister, Billykid Sangma, taoba Food & Civil Supplies Minister John Antonius Lyngdoh, taoba Congress legislator P.W.Khongjee aser taoba Excise Minister K.C.Boro nungertem densema lir.
Chief Minister Mukul Sangma den tokteptsü asoshi BJP-i retired director of Weaving & Sericulture, Bakul Hajong ya Ampatigiri aser Thomas Marak ya Songsak constituency nungi tokteptsü shimtet.
Sangma ya 1993 küm nungi tenzüka Ampatigiri constituency nungi ponguben tashi maneni adoka arur aser pai taküm election nung assembly seat ana – Tura parliamentary constituency kübok Ampatigiri aser Songsak – nungi tokteptsü.
Taoba mapang Independent MLA Justin Dkhar aser Robinus Syngkon na BJP nung adentsü mechi MUA-II sorkar taoba küm toktsü, tena ya Khliehriat aser Mookaiaw constituency nung BJP ticket bener tokteptsü.
BJP ajanga anünga aliba menden 15 atema candidate tenüngtem magütsü aser item ya Khasi-Jaintia Hills nungi 9 aser Garo Hills nungi 6 lir.
Meghalaya nung aruya aliba state Assembly election nung tokteptsü asoshi candidate 16-i Rogonü tashi nung nomination agütsüogo.
Parnok nomination agütsür rongnung tejangja candidate tem ya Umsning constituency nungi Donkupar Sumer (UDP), Mawphlang nungi tang teinyakdak MLA Kennedy Cornelius khyriem (INC), Nongstoin nungi tang teinyakdak MLA Diosstarness Jyndiang (HSPDP), Rambrai Jyrngam nungi tang teinyakdak MLA K Phlastingwell Pangniang (HSPDP), Rongara Siju nungi tang teinyakdak MLA Rophul S. Marak, shibai Independent nungi tokteptsü aser Baghmara nung Independent MLA Samuel M. Sangma nungertem alitsü.
Item dak alaka Mawhati constituency nungi Evalyni Kharbani (IND) aser Zachary Shadap (Khnam), Shella nungi Welborn Bynnud(IND), Mawthadraishan nungi Pios Kurbah (INC), Ranikor nungi John Dandaly Sangma (NCP), Mawkyrwat nungi Dr. Bestondar C Lyngdoh (IND), Resubelpara nungi Starline Momin (IND), Raksamgre nungi Pillarson G. Momin (UDP), Tikrikilla nungi Santush Sangma (UDP) aser Selsella nungi Diliram G. Marak (IND) nungertem alitsü.