Meghalaya nung Engineering College 2 lapoktsü

Shillong, August 4 (Agencies): West Garo Hills district kübok Mawlai aser Tura nung engineering college 2 lapoktsü, ta Meghalaya Chief Minister Mukul Sangma-i ashi.
“Mawlai nung Shillong Polytechnic anasa engineering college yanglutsü atema kobi melii ni lung azüngtsü. Ano Tura nung architecture aser urban planning indang college lapoktsü” ta Mukul-i ashi.
State sorkarisa Meghalaya Technical University lapoktsü atema sentong renemdar, ta Tourism & travel management department nung sentong ka nung jembidang pai metetdaktsü.
“Education ji asenok tashi südaktsütsü aser South East Asian linük ajak nungi Meghalaya nung arua azüngtsü atema mapa inyaktsü” ta Mukul-isa shisem.