Meghalaya nung GNLA telungpur ka kahset

Shillong, September 27 (Agencies) : Deobarnü East Garo Hills district kübok Patalgre nung Garo National Liberation Army (GNLA) telungpur ka kahset.
Osang tejangja kar angazükba sülen Meghalaya Swift Weapons and Tactics (SWAT) commandos-i tanep 9:15 meta Patalgre yim mita aodang telungpur den kahtep aser idangji ka kahset, ta Inspector General of Police, G H P Raju-i ashi.
Iba tesem nung AK rifle ka aser osettsüset kar ngutetogo aser tesep nung alirtem aputsü atema bushitepdar, ta district SP Davis Marak-ia metetdaktsü.