Meghalaya nung HNLC-i taküm I-Day menokdangtsü

Shillong, June 13 (Agencies) : HNLC-i Centre den yimjung aser yimten olemtep linür ta kuli sayutsü atema taküm Independence Day anema menokdaktsü telemtetba agiogo.
Meghalaya Chief Minister-i kechi komar ka bilemyonga onoki yimjung aginür ta Prime Minister dang sayutsü atema iba telemtetba agi, ta HNLC Publicity Secretary, Sainkupar Nongtraw-i sangdong ka nung metetdaktsü.
Meghalaya Chief Minister-i pa tematiba aser par cabinet nung züngsem shingaia pa dang kecha ashitsü makok ta bilemer, saka Narendra Modi aser Union Minister of State for Home, Kiren Rijiju nati yimten ken o olemtep ajanga khuret koktettsü imlar, ta HNLC publicity secretary-isa sangdong nung shia lir.
HNLC-i yimten olemtep alitsü asüngdangbo magizük saka ANVC aser tanga Garo telungpur teloktem den yimjung olemtep tenzükba atema HNLC-isa Meghalaya Chief Minister aitsüogo