Shillong, February 25 (Agencies) : Brihostibarnü East Garo Hills district, Meghalaya nung police-i tapoktsü aika den improvised explosive devices (IEDs) 47 tashi nguteta lir.
IEDs tem ya shibangtsür aliba Garo National Liberation Army (GNLA) aser United Liberation Front of Asom-Independent (ULFA-I) teloktemi Durama yimtsüng anasa Doengkhugre tesem nung yuja liasü, ta police-i shi.
“Tesem ana nungi ajak agi IED 47 aser tajemba agi Molotov cocktail bomb 15 ngutetba ajanga lendong tulu nokdangtetogo,” ta East Garo Hills district police tekolakba Davies Marak-i IANS osangbenertem dang ashi.
Iba dak sentakba nung GNLA atema inyaker ta temulung melemi bilemba nisung ka pua lir, ajisüaka police-i pa tenüng tang tangbo memetetdaktsütsü, ta pai ashi.
Marak-i, item tapoktsü ngutetba sülen GNLA deputy commander-in-chief Rupanto Marak-i aniba telok prangpong agi kanga sashia rara ajisüaka panok jenteta ao, ta ashi.
“Jena aoba telungpurtem aputsü asoshi SWAT commando temi iba tesem kanga junga mita reprangdar,” ta paisa ashi.
You must be logged in to post a comment Login