Meghalaya nung ‘Intelligence officer’ ka tepset

New Delhi, September 26 (Agencies): South Garo Hills, Meghalaya nung telungpuri Intelligence Bureau nung ketdangser ka tepsetogo, ta northeastern state nungi aruba osang kar ajanga ashi.
Sorkar osang ka ajanga ashiba agi, telungpuri tan tepsetsangji, Bikash Singh liasü ta jangjaogo, shiba telungpuri Brihostibar nü Tata Sumo ka nung oyaa lia, sü ayoker ka den külemi pur oa liasü.
Pa tasümangji Hokolbar nü angu aser pa ya tawa ang Inspector menden nung shimokli liasü.
Pa den külemi pur aosang, sü ayoker, Kamal Saha indang osangbo tang tashi nung ano kecha mangashi.
Osang ajanga ashiba agi, IB officer pur oa tepsetba ya Meghalaya nung kanga jangja meteta aliba telungpur telok ANVC nungi tawa razüka aor ASAC-i inyak asütsü ta temulung melemi bilemer.
Tena ya South Garo Hills district, Meghalaya nung international arrtsü anasa aliba Reserve Forest ka ajanga aoba mapang puer ao.
Iba passenger anir jajaba gari ya district headquarter-i aoba mapang anepdang 8:30 ako meta telungpuri soter tena dak prangpong agi tuiter anir ao, ta SP Lakador Syiem-i ashi.
Tena pua bener aoba tesem tejangjaji Amphangre aser Phanda yim na yongtsü lir, ta SP-isa ashi.