Meghalaya nung ketdangser aser shishilembar ka pur ao

Shillong, September 25 (Agencies) : Meghalaya nung Bangladesh den arrtsüa aliba South Garo Hills district nung Garo telungpurtemi sorkar ketdangser ka aser süoshi shishilembar ka pur ao.
“A’chik Songna An’pachakgipa Kotok (ASAK) telungpurtemi Rongara nung mapa inyaker sorkar ketdangser Bikash Singh aser shishilembar Kamal Saha na tashiyim agi pur ao” ta Inspector General of Police (in-charge Western Range) F.D. Sangma-i osangbener dang ashi.
Parnok ya gari ka nung mener Baghmara-i aodang Ampangre aser Panda reserve forest tsüngda telungpurtemi apu, ta Sangma-isa ashi.
“Telungpurtemi gari nung mena alirtem shimdang aser iba sülen sorkar ketdangser aser shishilembar na pur ao. Onoki iba tatalokba atema bushisüngdang südar” ta paisa shisem.
ASAK yagi Meghalaya anüolen tsütsü kanga bulua mapa inyaker aser parnoki Garoland ta ser tesem balaka tentettsü takhangba agüja rarar.