Meghalaya nung konger achiba sülen nisung 4 asü

Shillong, April 12 (Agencies) : Meghalaya kübok East Khasi Hills District nung nisung pezü tashi konger nung mim chisemer asü aser nisung tenet mozü kidang anepaludar, ta ketdnagsertemi tanü metetdaktsü.
Anameta aliba arem ka nungi parnoki kongerji bener aur achiba sülen iba kibong nung züngsem ajak temang nung timtem adoka mozü kidangi anir ao, ta ketdangsertemi ashi.
Tasürtemji, Drisda Rapthap aser lar tanur ana den la kinungbo tenu Ioki Dewkhaid nungertem liasü. Kinungbo Synsharlang Dewkhaid den tetsü aser tanur punguji Shillong Civil Hospital aser Ganesh Das Hospital nung anepaludar aser parnok ajak kanga mejungi lir, ta ketdangsertemisa metetdaktsü.
“Onoki yimtsüng tonga telok ka bushisüngdangtsü atema yokogo. Iba dak sendakba osang ka tekaratiba nung agüjang ta magistrate dang shiogo” ta East Khasi Hills District Deputy Commissioner, P S Dkhar-i osangbener dang ashi.