Meghalaya nung Manipur tsür 2 apu

Guwahati, August 2 (Agencies): Meghalaya police-i Manipur nungi tetsür ana ket nung heroin bena lia apu. Tena ket nungi ngutetba heroin indang jenjangji sen lakh 75 shi asütsü.
East Khasi Hills district nung Anti Narcotic Task Force (ANTF) teloki osang tejangja ka angazükba nung ajemdaker Demthring Block-I nung ki ka mita reprangdang heroin ji apu.
Heroin ji sapon taseptsü 32 nung bena liasü aser gram 393.38 shi liasü. Heroin indang jenjangji Rs 74,74,220 shi alang asütsü, ta police-i ashi.
Meghalaya police-i tesüiba ita ishika ozüng alema mozü shibelenba maparen mita arur.
July 4 nü parnoki Shillong nung heroin gram 58 shi apu aser iba dak sendakba nung nisung 15 apu.