Meghalaya nung menoknok anaben anok

Shillong, March 10 (Agencies): Brihostibarnü minute pezü tsüngda Meghalaya nung menoknok anaben tashi terara anokogo; menoknok anokba tiyongtsüji state yimtiba, Shillong nung liasü.
Mezüngbuba menoknokji nikongdang 3:16 ako meta ali telunglen kilometer 8 irr Richter Scale 3 nung anok aser minute pezü sülen tanabuba menoknokji kasa tesem nung ali telunglen kilometer 9 irr Richter Scale 3.2 nung anok.
Iba dak sentakba nung New Delhi nung National Centre of Seismology, Head (Operations), JL Gautam-i, “Northeast ya menoknok buloa anokba tesem ka lir aser mapang kaka nungbo mapang tatsüka tsüngda menoknok anoker,” ta ashi.