Meghalaya nung menoknok anok

Shillong, December 11 (Agencies): Deobarnep züngia Meghalaya kübok West Khasi Hills nung menoknok ka anok. Richter scale nung 4.2 tashi asadangtetba menoknokji tanep 7:27 ako meta anok.
Osang ajanga ashiba agi, iba lendong nung nisung asüba, yiruyibong aser kiojen raksaba osangbo kecha mali.
Taküm November 15 nunga India kübok northeast tesem nung menoknok ka anok. Iba menoknok anokba tiyongtsüji Assam kübok Karimganj district nung liasü.
Menoknok asadangertemi ashiba agi, Assam, Meghalaya, Mizoram, Tripura, Nagaland, Arunachal Pradesh aser Manipur tesemtemji alima nung menoknok kanga anokba tesemtem jenjang trokbuba nung lir.