Meghalaya nung nisung 76 dak COVID-19 tashidak putet

Chiteni/July 11, 2020 (Agencies): Honibarnü anüngdang, Meghalaya nung nisung 76 dak COVID-19 tashidak tejangja puteta, tang state nung iba tashidak puteta alir nisung 215 jungogo.
Twitter ajanga, Chief Minister Conrad Sangma-i “Meghalaya nung nisung 76 dak #COVID19 tejangja putetogo. Tang state nung iba tashidak agi nisung 215 tashi shirangdar aser nisung 45 taneptsü nguogo,” ta lemsatep.
Hokolbarnü, Meghalaya nung BSF sepia 70 densema nisung 94 dak COVID-19 tashidak putetta liasü, koba tanü tashi state nung anogo ka tsüngda iba tashidak putetba rongnung timtiba asütsü.