Meghalaya nung RSS-i par züngsem tashi sayu

Shillong, January 24 (Agencies): Rashtriya Swayamsevak Sangh (RSS)-i  Meghalaya state nung par tashi sayutsü atema yashi parnoki Shillong nung lenmang nung tsüngkang medema jaja liasü.
Züngsem 300 shi RSS uniform nung ajok amer iba ‘march’ nung shilem agia liasü.
Iba sentong ya RSS Vibhag Karyawa, Shillong-i ayongzüka liasü.
RSS züngsemtemji timbaka Khasi Jaintia tribes nungi lanurtem aser kanga taintem liasü. “Onok züngsem 293 lir aser ibaji Khasi-Jaintia hills nung aliba yimtsüng 39 nungi iba sentong nung shilem agi, züngsem 80 bo non-tribal nungi liasü,” ta RSS Vibhag Karyawa, Shillong Secretary, Mangkashang Khongshei-i ashi.
Khongshei-isa, RSS-i Netaji Subhas Chandra Bose, U Tirot Sing aser U Kiang Nangbah nunger densema nüjiso atema raratem nem akhüm agütsütsü asoshi kümshia sentong ayonga akar, ta ashi.
Khongshei ya 1993 küm nungi RSS den densema Halflong, Assam nung traning agi. RSS Shillong unit ya 1998 küm tenteta liasü.