Meghalaya nungi Doctor ka Assam Rifles nung Commandant aküm

Shillong, April 9 (Agencies) : Meghalaya nungi Assam Rifles nung Commandant menden anguba mezüngbuba Medical Officer ji Shillong nungi Dr. Mary Hranngul lir.
La ya Madanriting nungi asür Rev. C. Hranngul aser Kimi Hranngul na jala tantsüla lir. la St. Mary’s College, Shillong aser Guwahati Medical College nung azüng.
Dr. Hranngul ya Meghalaya nungisa mezüngbuba Police Medal for Gallantry anguba Medical Officer lir. Manipur nung Counter Insurgency Operations nung shilem tajung agiba atema Republic Day 2012 benjungmung nung la nem iba naroküm agüja liasü.
Assam Rifles nung küm 13 tashi inyaka arudang Dr. Hranngul-i Assam, Mizoram, Manipur aser Nagaland nung mapa balala inyakogo. Dr Hranngul-i Commandant menden mangudang la HQ DGAR nung staff officer inyaka liasü.