Meghalaya nungi World Senior Kickboxing Championship nung shilem agitsü

Shillong, August 18 (Agencies): Meghalaya nungi kickboxing asayar ka India tenüng nung WAKO World Senior Kickboxing Championship 2017 nung shilem agitsü asoshi shimtet. Iba tetoktepba ya Budapest, Hungary nung November 2 nungi 12, 2017 tsüngta alitsü.
Meghalaya nung Jaintia Hills kübok Shangpung tesem nungi Hame Shaniah Suiam ya iba international tournament nung India tenüng nungi shilem agitsü asoshi WAKO India Kickboxing Federation ajanga shimtet.
Suiam-i taoba küm international tournament balala nung shilem agia aruogo – 2014 küm Rimini, Italy nung WAKO World Cadets & Junior Kickboxing Championship nunga pai shilem agi aser 2015 küm WAKO World Senior Kickboxing Championship, Dublin, Ireland nung alidanga shilem agia liasü.
Budapest nung shilem agitsü shimtetba asoshi Meghalaya Kickboxing Association (MSKA) ajanga pelaba metetdaktsü.
Lonavala, Maharashtra nung WAKO International Kickboxing Referee Seminar alidang Suiam-i international referee/judge nung diploma certificate agzüka lir.