Meghalaya: Prestone NPP den Oct 7 nü adentsü

Shillong, September 28 (Agencies): Taoba Chief Minister Prestone Tynsong Nationalist People’s Party (NPP) den adentsüba olulu osang jangjaogo, pa October 7 nü party den adentsü. Iba kasa mapang nung Pynursla nungi Congress pusemertema aika NPP den adentsü asoshi renema lir.
Osang ajanga ashiba agi, Congress pusemertem parnok 10,000 shi Nationalist People’s Party (NPP) nung züngsemtsü imlar.
Bodhbarnü osang ka ajanga ashiba, Prestone Tynsong shiba tang Pynursla constituency nungi MLA, lir pa Pynursla nung PHE office anasa ground nung senden akadangbo madentsü.
Kasa mapang nung tanga osang ka ajanga ashiba agi, Congress puri, tang director of Commerce and Industries department, Nehru Suting, taruba election nung Tynsong anema toktepdaktsütsü asoshi kanga meranga nongshidar. Ajisüaka UDP puria kasaji Suting par telok nungi toktepdaktsütsü asoshi merangdar.
Suting ya Chief Minister Dr Mukul Sangma den kanga tesendaktep tajung lir aser pa UDP melena Congress nungiang tokteptsü akok.