Meghalaya sorkar mapa inyaker ajaki pei rongsen metetdaktsütsü

Shillong, June 08 (Agencies): Meghalaya sorkari MLA aser MDC densema sorkar mapa inyaker ajaki pei kibong rongsen metetdaktsütsübaji ozüng ama kümdaktsütsü.
Yangi Cabinet senden ka amenba sülen osangbenertem den jembidang state Chief Minister, Mukul Sangma-i, “Cabinet-i Meghalaya Public Servants (Furnishing of Information and Annual Return of Assets and Liabilities and the Limits for Exemption of Assets in Filing Returns) Rules 2016 agizükogo,” ta metetdaktsü.
Item ozüng metetdaktsüba sülenbo ozüng kübok sorkar mapa inyaker ajaki investment densema pei kiojen aser rongsen ajak sangdongtsüla, ta Chief Minister-i ashi.
“Item ozüng ajanga CM nungi tenzüka nisung ajak alentsü,” ta Sangma-i ashi. Paisa, “Iba nung ya autonomous district councils (ADCs) züngsemtema adentsü,” ta ashi.
Paisa ashiba agi, Meghalaya Assembly-i agizükba Meghalaya Lokayukta Act, 2014 ozüngtem den sentaktepa sorkari item ozüng benok.