Meghalaya sorkari SSA tesayurtem atema sen crore 78 corpus fund ayutsü

Shillong, Rongjui (September) 26 (Agencies): Meghalaya sorkari SSA tesayurtem atema sen crore 78 dak tema indang corpus fund ayutsü telemtetba agiogo.
Centre-i SSA tesayurtem indang itasen atema sen menur agütsüba khuret koktettsü atema parnoki iba telemtetba agi.
Congress züngsemtem Mayralborn Syiem aser Kimfa Marbaniang nati asüngdangba ka langzüdang Education Minister Lahkmen Rymbui-i “Centre-i sen menur agütsüba aser talisa Sarva Shiksha Abhiyan (SSA) aser Rashtriya Madhyamik Shiksha Abhiyan (RMSA) schools nung tesayurtem itasen menutsüba atema state sorkari iba mapa inyaktsü lemtet” ta ashi.
Taküm April ita nungi state sorkari itasen magütsüteter aser küm shia tesayurtem nem itasen agütsüba nung timtem ajurur, ta paisa ashi.
Sen agütsüba menuba atema pa aser Chief Minister nati Centre dangia shidi züluogo, ta Education Minister metetdaktsü.
Küm shia HRD Ministry nung Project Approval Board (PAB)-i February ita budget agizüker saka 2018-19 atema PAB-i May 25 nung ang budget agizük aser iba jagi menur, ta paisa ashi.
Union Budget 2018-19 sülen school education scheme yanglushiogo aser School Education o Teacher Education ka kümer Samagra Shikhsa Abhiyan ta melenogo. Samagra Shiksha Abhiyan kübok scheme asem dena lir aser itemji Sarva Shiksha Abhiyan, Rashtriya Madhyamik Shiksha Abhiyan aser Teacher Education lir aser central support scheme kübok adener, ta Rymbui-isa metetdaktsü.