Meghalaya yimtsüng ka nung IEDs 16 angu

Shillong, February 26 (Agencies) : Meghalaya kübok East Garo Hills district nung IEDs 50 jungnüa anguba sülen anogo ka lir Honibarnüa IEDs 16 ngusemogo, ta police-i metetdaktsü.
IEDs 16 ji Pathalgre yimdak Garo National Liberation Army züngsemtemi yutsüba liasü aser sepaitemi angu, ta IG (Operations) G H P Raju-i osangbener dang metetdaktsü.
Paisa ashiba agi, state police commando telok kati Durama hills range nung GNLA telungpur indang tesep ka makdok.
Yashi police temi IEDs 47 den Molotov cocktails aika angu aser itemji raksa endok, ta Raju-isa shisem.
GNLA ya 2010 küm tentet aser iba telok ya Garo Hills kübok district pungu aser West Khasi Hills district nung nisung pur aoba, tepsetba aser tashiyim agi sen saruba mapatem kanga inyaker.