Mei mapang tejak anepaluyim

Süngjang kar amshiba ajanga mei mapang tejak kanga anepa lidaktsür. Ano naro aser ninang mojitzü ajanga tejang süngjema kümdaktsü.
Tejakküp anepa aser süngjema lidaktsüba süngjang aser narotzü kar yamai lemsateper:-
1. Züngi, jemben tzü aser gulab naro tzü : Tejak nung alisentsü amai küma aliba meshimeshia samadaktsütsü atema züngi aser jemben tzü kanga junger. Jemben tzü agi tejakküp kanga pongba kümdaktsür aser züngi o gulab naro tzü na agi teküp süngjemdaktsür. Item asem ya meyokteper anogo shia meti agi tejak nung nüa yur, minute 10 sülen tzü temokong agi shitokba ajanga tejak kanga junga ngudaktsütsü.
2. Chana sener ayuba aser haldi : Iba chiyungtsü ana ya tejak kep shitoka meyutsü kanga junger. Chana sener ayuba yagi teküp tasütem meyutoktsür aser haldi agi teküp nung sentsü adokdakja tejak nung alisentsü ajak samadaktsür. Chana sener ayuba spoon ana nung haldi tera mesenteta inoktsü aser mamatzü spoon ka den naring teküp tera sensar inoka meyokteper gulab naro tzü nung melanger tejak nung nüang. Minute 20 lir külen tzü temokong agi shitokang.
3. Mamazü aser ninang mochitzü : Mamazü nung aliba ‘enzymes’ agi tejak sangwadaktsür aser tarak kanga mechitetdaktsür. Ninang mochitzü agi tejakküp kanga anüka kümdaktsür. Mamazü tamen marok tesangdang ka menüngsar ninang mojitzü spoon ka inoka aiteper tejak nung nüa yur minute ishika lir tzü agi shitokba ajanga tejakküp nung sentsü adokdaktsür.
(Source : Internet)