Meimcher Tesangwa

– S. Panger, Retd. Teacher Akhoya.

Tsüngremi meimchir Pa mesükba nung yangluba ya tesüngmangtsü ka lir. Tetenzük nung O liasü, O Tsüngrem den liasü. Aser O Tsüngrem liasü. Yh. 1:1. Pa dak taküm liasü Yh. 1:4. Takümji meimchir tesangwa Lip. 1:3. Tsüngremi mezüng tesangwa yanglu Tesangwaji junger ta Pai ajitet Lip. 1:27, Lip. 2:7. Tsüngrem mesükba nung Pai meimchir pokteta yanglu. Tsüngrem Oji Taküm, Takümji Meimchir tesangwa liasü. Lip 1:31. Pai kechisarna ajak yanglur külen aji kanga junger ta ashi. T.Ken 127:3. Yagi ashir chirnurji Tsüngrem senmang lir. Takümji meimchir tesangwa, mesamaba nung ya yanglu.
Tsüngremi meimchir taküm tesangwa yangluba, keta aliba sempettem shisadangdi:-
1. Nisung meimchir billionsa billion mesüktepba mali, tajungji ya ka lir.
2. Nisung shia tereprangtsü aser shisatsü balala, ya koda?
3. Nisungi nisung aginür aser meimer, nisungi doll nisung yanglua amshir.
4. Nisungi nisung angudang pelar temulung süngzüker, tesenep angur.
5. Nisungi nisung O tajung agi tepela angur, tesenep angur.
6. Nisungi pei dak aketba sempet (talents) agi nisungtem peladaktsür, jangratemdaktsür.
7. Nisungi nisung yarir aser moatsür.
8. Nisungi nisung den shisaopang lemsateper.
9. Nisungi nisung shi nung kümzüker aser len sayur (ways of life).
10. Nisung nem agütsüba saisapong (games & sports) agi asaya taputapu sayur, sen aazüker, jobs taputapu asateter.
11. Nisungi Arts & Culture/ken atenba item yagi shishilembaba mesüka sen millionsa million aazüker, aser lokti, sensaker yarir. Meimchir sangwadaktsür.
12. Nisungi nisung tenzüker.
13. Nisungi nisung tanüla aser shi nüchi kümdaktsür, kümzüker.
14. Nisungi nisung ajungshir, sayur, metongshitsür aser arütsür.
15. Nisungi nisung anisüngzüktsü, taküm alitsü sentong yanglur.
16. Nisung alima telongtet ngujema metet-tsüsa yangluteter, mela mela alir.
17. Osang (news) zülu aser O agi prokshiba agi tesendaktep tajung adoker.
18. Ali, anüng/mopong aser tzü nung nisungi taküm chiyungtsü adoktsür.
19. Meimchir-i tesangwa bener aruba, agütsüba, Tsüngrem mapa inyaker, taküm lokti nung temoatsü ayong ama ayimer, meimchir tesangwa!
Tsüngremi meimchir tesangwa yangluba Pa mapa tematibaji ya lir. Meimchir asoshi Yisu Khrista, asenok asoshi mapa meteni tekümtet agütsü. Tsüngrem dak aketba taküm tesangwa asoshi, na aser ni pelatepdi aser Tsüngrem tenüng sangdi.