Mejangba Tanela – T.Ken 119:145-152

Nai mejanga alidang nungibo Tsüngrem O ji ang aginer asü? Ya aibelena tangatet. Mejangtsübaji asenok atema nüngdaker. Tsüngremi asenok sasa asen temangji anebaludaktsüner aser anebaluba nung mejangbaji shilem ka lir. Laishibai asensasa asen temang anebalutsü shia lir. Saka ken züluri mejangba dang nungi Tsüngrem O jiang agitsü ta ashi. “Ni mesangwa dang shishir, aser teyari asoshi ayimtener; ni ne O nung yimlar. Ne O nung ni shidangtsü asoshi kü tenük aonung saaka alir” (t.117,118).
Yisuia anepdang yakta saker sarasadem aser Tsüngrem O nung shisadang. Aser sentsü melenba Tenem nung Yisu, Mosa aser Elijah Yirusalem nung Yisu asütsü indang jembitepa liasü. Peter, Yakob aser Yohan idakji liasü, saka parnok mejanger liasü (Lk.9:32). Alima nung Laishiba mungdang tulutiba mapang parnok mejanger liasü.
Tanüa karibo kasa mapaji inyaka alitsü akok. Temoatsü ajanga asenok mejanger. Tsüngremi Pa O ajanga asenok moatsütsü asoshi asenoki anogo shia Tsüngrem O agi tenzüktsüla. Nai anepongi Tsüngrem O ji azünger asü masü? Atangji yipden nung minute 30 tali agibaji temoatsü asütsü. Saka ken züluri ashiba ama, asenokia shitettsüla, “Ni anepdang arutsü yongyar. Ni Tsüngrem den mapang indokner aser Pa O nung shisadangner.”
Tsüngrem O nung shisadangtsü asoshi tenla agütsübaji tesama masü; ibai tanelaren taküm nung terizüngba ka lir. Nai anünga aliba anüngdang amshitsü akokba temoatsü Laishiba nung lir. Ibaji anüngdang lapoktsü aser shibangba sapiji südakjang. Ne anogo Laishiba agi lapokdakjang aser ne aonung Laishiba agi shibangang.