Mejangjaba nisung tasümang ka nguteta lir

Dimapur, Rongjui/Sept. 27 (TYO): Manipuri colony nung mejangjaba nisung (non-local tebur) tasümang ka lir ta September 27, 2024 nikongdang 7:20 ako meta telephone ajanga Sub-Urban Police Station, Dimapur dangi osang ka arua liasü.

Iba osang nung ajemdaker Sub-Urban PS duty party aser Duty Officer tem iba tesem tonga ao aser arishi küm 50-60 tsüngta non-local tebur tasümang ka ngutet.

Iba tasümang meita reprang, saka temulung melemtettsüsa kecha mongutet. Iba nisungba ya yaseta asü südi ta tenük kuli alirtemi ashi.

Yangji ozüng agi melaba maparen ajak tema inyakba sülen post mortem examination/identification atema tasümang ya District Hospital Dimapur morgue nung yua lir.

Nisungba ya half pant sentsü temerem sema liasü. Kibur/kinunger/tembar temi Officer-in-charge, Sub-Urban Police Station, Dimapur den Mobile No. 7085055026 ajanga tongteprateptsü akok, ta Dimapur Police sangdong ka ajanga metetdaktsü.