Mejangjaba tasümang ka ngutet

Dimapur, Yimpoksüi/November 21 (TYO): 20/11/2019 nü aonung 7:00 ako shi nung Naga Hospital Authority Kohima (NHAK) registration counter anasa nisung ka sür lia ngutetogo. Nisungba ya non-local tebur ka ta jangjaogo. Pa arishi küm 30 nungi 35 tsüngda asütsü. Pa tar 5 ft. 5 inch shi asütsü aser pai trousers tanak aser aut sentsü jacket ka semer liasü.
Tasümang ya South Police Station morgue nung maitsü jangjatsü atema yua lir. Asüsa jangjar aliba kinunger, kija aser lokti dang South Police Station, Kohima den iba number; 7005986019 ajanga tongteprateptsü asoshi metetdaktsüogo, ta PRO, Kohima Police sangdong ka ajanga metetdaktsü.