Mejangjaba tasümang ka ngutet

Dimapur, Metsüremi/March 9 (TYO): March 09, 2020 nü NH-29 nung mejangjaba tebur non-local (arishi küm 20 shi/ sentsü tanak) ka tasümang ngutetogo. Asüsang yagi tamak aser anüngsentsü checked tola ka, temerem aser anüngsentsü t-shirt ka, aut sentsü formal long pant ka aser belt tanak ka kaloker liasü.
Tasümang ngutetba tesem nung ken o bushitsüngdangogo, ajisüak tasümang nung tarak kecha maliasü aser temulung melemi bilemba ken o kecha mongutet. Temzüng ozüng kübok teinyaktsü ajak shidak inyakba sülen tasümang ya District Hospital Dimapur-i PM examination/identification atema benerogo.
Iba dak sendakba nung kinunger, adianu aser medemertemi Officer-in-Charge, Chumukedima, Dimapur den tongteprateptsü asoshi metetdaktsüogo, ta Addl. Dy. Commissioner of Police/PRO, Dimapur sangdong ka ajanga metetdaktsü.