Mejangjaba tetsür ka sür Civil Hospital nung yua lir

Dimapur, Luchii/December 19 (TYO): December 18 nü mejangjaba tetsür ka (40yrs approx) tekolak kanga mejungi yirur Civil Hospital Dimapur-i anir aru. La ya fly-over kübok railway track nung train agi atsük asütsü ta temulung melemi bilemer.
La, aut sentsü open sweater ka, blouse temerem ka aser pant tenakrem ka semer liasü. Ajisüaka mozükidang temang anepaluba mapang la süadok. La asüba sülen P.M agiogo aser tang Dimapur Civil Hospital morgue nung maitsü jangjatsü atema yua lir.
Anungji asür kinunger aser medemertem dang Officer-in-Charge, East PS, Dimapur den tongteprateptsü asoshi mepeshia metetdaktsür, ta Addl. Dy. Commissioner of Police/PRO, Dimapur sangdong ka ajanga metetdaktsü.