Mekuli nung Financial Literacy Camp agi

Dimapur, September 26 (TYO) : Financial Literacy/Inclusion ajungkettsü nükjidong nung September 23, 2016 nü Mekuli yimtsüng nung Financial Literacy Camp (FLC) ka ayongzüka agi.

Iba sentong ya Care and Support Society, Mokokchung-i Nagaland State Cooperative Bank Ltd. Mokokchung den yaritepa ayongzük aser NABARD-i teyari agütsü.

Sentong nung NABARD nungi S. Amarjit-i senotsü dak sendakba maparen nung NABARD-i shilem agiba indang osang tejangja metetdaktsü.

Paisa, Farmers Club, SHG, WCC & JLG Programme aser district nung NABARD-i infrastructure yangluba indang onüktem jembi.

Sentong nungsa Assistant Branch Manager & In-charge FLC, NSCB Ltd, Mokokchung, Temsulepden-ia o jembidang banking, savings aser financial planning indang osangtem metetdaktsü.

Sentong nung mendenji Care and Support Society, Managing Director, Imchawati Kichu liasü, Mekuli Baptist Arogo sannüker Lima-i sarasadem aser Mekuli Village Council, Chairman, Imnawati-i tesentepertem pela agizük.