Mel B, Emma aser Geri nungeri ken tasen ka record süogo

July 14, 2016: Tetsür temeja kentener telok ‘Spice Girls’-i ken tasen ka record süogo, ajisüaka ibaji parnok sapurtemi imlaba ama masü, kechiyong iba telok nung züngsem pongu süaka züngsem asen- Emma Bunton, Mel B aser Geri Horner nungeri dang iba ken record asü.

Parnok indang mezüng single, ‘Wannabe’ ken atenba sülen küm 20 ajungba nüngtem nung ken tasen record asü.

Ken tasenba ‘Song For Her’ kenjang nung, “Wipe up your tears of doubt you have been crying, lift up your dreams feel like you’re flying, never forget the girl is the woman you are” ta zülusema lir.

Kasa telok nung Victoria Beckham aser Mel C nabo maden saka par telok küm 20 ajungba nüngtem nung Emma, Mel B aser Geri nungeri par telok longjemba osang video ka ajanga sangdonga liasü.

Iba video nung Mel B-i parnok sapurtem dang, “Alima nung fans tajungtibaji onok sapurtem lir ta onoki bilemer aser onoki benjungtepa party ka mungner. Aser onoki ibaji amungdang nenoka ajak jaoker,” ta sangdonga liasü.