Mel Gibson arishi küm tetsüngda atema shisa bulur

Los Angeles, November 5, 2016 : Actor Mel Gibson-i, tetong tena tsüngda küm 34 pilaba ajanga tarutsü nung timtem adoktsü amai bilemer.
Arishi küm 60 tain, Mel Gibson aser tetong arishi küm 26 tain, Roslinda Ross na kanga pelaseta medemer aser la Gibson atema tanur tokububa agi mashisa lir. Ajisüaka pa temulung nung arendaka bilemba ka lir aser ibaji tena tsüngda küm aika ita alibaji lir, ta mirror.co.uk osang ajanga metetdaktsü.
“Arishi küm aser tetongtechiji züngdangba ka mesüka lir. Küna kanga saputeper. La joko teintet tetsür ka lir aser kena kati ka dang kanga meimer. Küm tetsüngda aika aitba ajanga tebilemtsü adoktsü amaisa bilemer ajisüaka küna tsüngdang tesendaktep tashi ita lir,” ta Gibson-i ashi.
“La ya tapayutsü tetsür ka lir aser ni la kanga aginer. Iba dakji alaka kecha ashitsü melika,” ta pai ashi.
Gibson’er chirtemji Hannah, 36, Christian aser Edward, tenaprong arishi küm 34, William, 31, Louis, 28, Milo, 26, aser Thomas, 17 nunger lir. Par tenet ya pa tesüba kinungtsü Robyn Moore tena tanurtem lir aser Oksana den arishi küm 6 tain, Luna agi sosema lir.