Mel Gibson’er jabaso ka moaotsügo

Los Angeles, January 24 (Agencies) : Arishi küm 60 tain, Actor Mel Gibson’er tanur 9buba sogo.
Iba jabaso ya pa den küm ana medema arula, arishi küm 26 tain, tetong Rosalind Ross-i Honibarnü Los Angeles nung aso, ta osangbenertemi ashi.
Tan asoba jabaso tenüng Lars Gerard jatsüogo, ta Gibson atema inyaker kati metetdaktsü.
“Parnok kanga pelatepdar aser jabaso Lars ji kanga temeimtsü ka lir. Par kinunger ajak par den arua lir aser Mel kangasa pelar. Parnok tang kidang arua lir aser nisung ajak kanga pelateper,” ta iba nisung jagi ashi.
Gibson aser tesüiba mapang pa kinungtsü, Robyn Moore na tanur tenet (7) agi sosema lir. Tena ya küm 26 külemi liasü.
“Hacksaw Ridge” film direct asüsang, Gibson ya ano Russia tsür Oksana Grigorieva den medemdanga jala ka agi sosema lir.