Meluri nung Yemshe Mini Hornbill tembangogo

Mongputeni/October 05 (TYO): Meluri nung Mongputeni/Oct. 5, 2018 anogo tanabuba Yemshe Mini Hornbill benjung sentong nung Minister Planning & Co-ordination and Land Revenue, Neiba Kronu-i semdanga liasü.
Kronu-i ashiba agi, benjung mapang nung asenoki Tsüngrem nem tenüngsang agütsütsüla aser temoatsü meshizüktsüla.
Sentong nung Kronu-i Pochury nübur den jembiba mapang, Yemshe festival nung kidanger tribe tem talisa Chakhesang aser Sangtam kintem aruagi adenba ngua pelaba lemsatep.
Nagaland sorkari state nung power supply peria magutsütetba ajanga tanga state tem nungi power bener arua amshia crore 100 dak tema state takoksa anguba nung ajemdaker Tizu ayong nungi power agitettsüsa yanglutsü ajungshi.
Yemshe Mini Hornbill shibangba sentong nung Pochury tesem ajak nungi sobaliba saisapongtem, yar tsüngsang aser tetsü tebou kentem ajanga shielm agi.
‘Archery aser pole climbing’ tetoktepba ajanga sentong nung adenertem ajak jangratemdaktsüogo. Iba den külemi karaoke tetoktepba nung kentener telok 20 aser kijai shilem agia liasü. Sentong nung D. C Phek, Orenthung Lotha tetushi tesemdanger ama jaoka liasü.

You must be logged in to post a comment Login