Mengujuma YO Silver Jubilee amongtsü

Kohima, Luchii/December 22 (TYO): Mengujuma Youth Organization (MYO)-i December 27 nungi 31 nü tashi Mengujuma Local Ground nung küm 25 ajungba Silver Jubilee amongtsü, ta Publicity committee Convenor, Asa Seyie-i sangdong ka ajanga metetdaktsü.
Iba sentong nung tetushi tejaokerji Nagaland Football Coaches Association (NFCA) nung Tir, Roko Angami asütsü aser akhümket tejaokerji Mengujuma Village Council Chairman, Thepfiisatuo Sechii asütsü.
Naga wrestling sentong nung Champion nem senpet 10,000 agutsütsü aser ibaji Seyiekhrietuo Riirhie-i sponsor asür, aser tanabuba jenjang nung takok angur nem senpet 7,000 agutsütsü, aser ibaji Rokoneizo Sano-i sponsor asür.
MYO aser Krovi Sechii nati tasembuba aser pezübuba jenjang angur atema senpet 5,000 aser 3,000 sponsor asutsü. Ano Viralhou Sechii-i Junior wrestling atema takok angurtem asoshi senpet sponsor asutsü. Silver Jubilee saisapong atema sponsor ji Neikuolie Seyie asutsü.
Jubilee tetenzük sentongji December 27 nü anepdang 9:00 ako nung Mengujuma village council secretary, Neinguse Mor leniba nung agitsü aser MYO Tir, Kelevizo Riirhie-i Tir onük jembitsü. Sentong nung Jubilee committee convenor, Vitsalhou Kesiezie-i salem osang lemsateptsü aser MYO games & sports secretary, Peteneizo Sechii-i ketdangsüa shilem agir teams-i tenangzükba agitsü, ta paisa metetdaktsü.