Menoknok agi Arunachal kongshi

Itanagar, December 18 (Agencies): Deobar anepdang Richter scale asadangba 3.8 menoknok agi Arunachal Pradesh nung Upper Siang kongshi.
India Meteorological Department (IMD)-i ashiba agi, tanep 7:46 ako meta anokba menoknokji Richter scale asadangba nung magnitude 3.8 liasü.
Menoknokji ali telunglen kilometer 106 irr anok aser menoknok tiyongtsüji district headquarter Yingkiong nungi kilometer 116 shi pilar Latitude 28.6 degree North aser Longitude 94.9 degree East nung liasü.
District balala nungi ketdangsertem den tongtepratepa osang agiba sülen state Chief Secretary, Shakuntala Gamlin-i osangbenertem dang, tang tashi nungbo nisung asüba mesüra kiojen raksaba osang mali, ta metetdaktsü.
Laisa ketdangsertem dang maneni tensa asadanga tongtepratepa metetpelatsü tuyuogo.