New Delhi, May 16 (Agencies): Menoknok ajanga lendong tulu mataloktsü atema menoknok anokba tesem jangjatsü asoshi sorkari linük tesem ajungalen research agidar, ta tanü sorkari metetdaktsü.
Science & Technology Minister, Dr Harsh Vardhan-i, Maharashtra, Koyana nung menoknok aiben anokba kulitem jangjatsü atema iba tesem nung sorkari ‘sensors’ inokogo, ta ashi.
Minister-isa, research agiba ya takok ngura India-i menoknok lendong nung jenbutsü atema junga inyaktettsü, ta ashi.
Mapang shia menoknok anokba tesem, Shillong nunga iba den kasa project ka teinyaktak lir.
“Tesüiba küm ana nung Centre-i tsüngsang-mopung takzüba, vaccine tasen yangluba, biotechnology aser energy research nung mera aika agiogo,” ta paisa ashi.
“India nunger tsüngsang-mopung takzüba ya world class ka kümogo aser Tsunami warning system maneni tendangdar, aser kasa lendong ataloktsüsa süra (iba system ajanga) mapangji junga metetdaktsütsü,” ta paisa shisem.
You must be logged in to post a comment Login