Men’s U-23 asayamung osang

Dimapur, Yimpoksüi/November 18 (TYO): Ravenshaw University Ground, Cuttack, Orissa nung tang asayaa aliba Men’s U-23 One Day asayamung tanü asaya nung Nagaland team-i wicket 7 agi Assam madak takok nguogo.
Asaya nung Nagaland team-i toss akok aser mezüng field asütsü shim.
Mezüng batting amenba sülen Assam team-i over 49 nung asayar ajak out ser run 213 yanglu. Parnok rongnungi Abhishek-i run 57 aser Mukhtar-i run 32 yanglu. Nagaland team asoshi Joshua-i wicket 6 aser Ujwal-i wicket 2 agia liasü.
Asaya tanabuba shilem nung Nagaland team-i over 40.5 nung asayar 3 out ser run 217 yanglua asaya akok. Nagaland team atema Nikhil-i run 108 aser Shamphri-i run 40 yanglu. Assam nunger bowler tem rongnungi Mukhtar-i wicket 2 aser Biplab-i wicket 1 agi.