Mental Hai Kya film tangok tenzükogo

Monupii 18, 2018 (Agencies): Taruba film ‘Mental Hai Kya’ atema actor Rajkummar Rao aser Kangana Ranaut nati film tangok tenzükogo. Balaji Telefilms Ltd kübok Ekta Kapoor-i film ya produce asütsü aser lai, “Jai Mata Di” ta Twitter ajanga sangdong.
Mental Hai Kya film otsü Kanika Dhillon-i zülutsüogo aser National award angusang Prakash Kovelmudi-i film ya direct asütsü. Anaganaga O Dheerudu aser Size Zero – South Indian film tem Prakash-i direct süogo.
2013 küm ‘Queen’ film nung Rajkummar aser Kangana na külemi tongti shilem agir sülen taruba film nung tena tanaben longjemtsü.
Taküm Metsüremi (March) ita ‘Mental Hai Kya’ poster mezüngbuba sayaogo. “Film script ji tesüngmangtsü aser comedy balala agi sünga lir. Kangana ya performer tajung ka lir aser Queen film sülen Ekta Kapoor (producer) den külemi onok tanaben longjemogo,” ta interview ka ajanga Rajkummar-i ashi.