Mental Health atema anogo ananü training agir

Dimapur, September 26 (TYO): District Hospital tem aser CHCs & PHCs teshimtet kar nung basic psychiatric services agütsütsü atema tanü nungi anogo ananü Modular Training tenzükogo.
Iba training nung District Hospital, Community Health Centre aser Primary Health Centre nungi Medical Officers (M.Os) adener.
Principal Director, DoH&FW, Dr. N.Bendangyanger Jamir-i Medical Officer tem dang iba training ajanga nenok tangazükba talila angutsü aser tekolok nung timtem alirtem ajitettsü indang osangtem metettsü, ta ashi.
Training nung adenbaji tajangzük asütsü kechiyong iba ajanga psychiatric element metettsü aser treatment agütsütettsü, ta Dr.Bendang-isa ashi.
State Program Officer, Mental Health Program, H&FW, Dr.Khriezotuo-ia o jembidang, iba program ya tang tetenzüker ang lir aser training tembangba sülen state ajungalen iba program tenzüktettsü, ta ashi.
Training nung shisalen sayurtemji Dr. T.Wabang, M.S, State Mental Health Institute Kohima(SMHIK), Dr. Temsulong, M.O, SMHIK aser Dr. Chikrozo Kezo, Nodal Officer, Mental Health, Dimapur nungertem lir.
Parnoki Assessment & Management of Mental Health in General Practice, Schizophrenia, Anxiety Disorder, Alcohol Use & Drug Use disorder, Samatoform Disorders, Psychiatric Problems in Elderly, Epilepsy aser Psychiatric Emergency onüktem indang tesayubatem agütsütsü.